Romantic Love Poems | Hindi Shayari | Inspirational Poems | Sad Love Poems

August 1, 2008

Naino Ki Bhaashaa | Romantic Poem

Filed under: Romantic Poem — Tags: , , , , — meerac @ 6:20 am

Piya se milke aaye nain, Piya se mil ke aaye nain.

Haay main kyaa karoon.

Aaye na mujhko ab to chain, Aaye na mujhko ab to chain.

Haay main kyaa karoon.

Dil ki dhadkan dheemee thee, Mausam bhi mastana tha.

Main bhi khoee khoee thi, Dil bhi kuchh Deewana tha.

Taubaa mujhe aaye sharam aage kahoon bhi to kya.

Haay main kyaa karoon.

Piya se milke aaye nain haay main kya karoon.

Chhueemuee see ban baithee baahon ne aise gheraa,

Aankh khulee to maine dekha shaam se huaa savera.

Kaise kahoon kisse kahoon, aayaa badaa hi majaa.

Haay main kyaa karoon.

Piya se milke aaye nain,Piya se milke aaye nain.

Haay main kyaa karoon.

Aaye na mujhko ab to chain, Haay main kyaa karoon.

July 25, 2008

Hindi Shayari

Aapkee muskaan kabhee aapse naa chhoote.
Aapkaa har dard minton mein toote.
Mehrbaan ho khudaa itnaa aap per ki,
aasmaan se taare bhee aapkee marjee se tootein.
                          Samaa jaao mujhme is tarah,
                          jaise kaajal aankhon mein samaataa hai.
                          Sajaa do dil ko khwabon se is tarah,
                          jaise ambar phoolon ko barsaataa hai.
                          Bas jaao dil mein is tarah,
                          jaise yaadein dil mein bastee hain.
                          Jhalak jaao aankhon mein is tarah,
                          jaise taaron kee roshnee jhalaktee hai.
Nichhawar hai tum par mera tan man.
Maan chukee hoon main tumhe apnaa sajan.
Milne ke liye tumse mera man,
kya kya nahee kartaa jatan.
Jab tum aate ho mere kareeb,
to aankhon mein hayaa kee laalee chhaa jatee hai.
Honth ban jate hain pyaar ka pyalaa,
aur bindiyaa meree chamak jaatee hai.

        
                      Dhaltee shaam kaa khula ehsaas hai.
                      Mere dil mein uskee jagah kuchh khaas hai.
                      Wo nahee yahaan,maaloom hai mujhe,
                      par dil kahtaa hai wo yaheen mere paas hai.

July 21, 2008

Khaamoshee | Sad Love Poem

Filed under: Sad Love Poems — Tags: , , , — meerac @ 10:35 am

Khaamoshee ki bhi jubaan hoti hai, Dil ki baatein bayaan hoti hain.

Khaamosh hain wo bhi,khaamosh hain hum bhi, Phir bhi dil ki haalat bayaan hoti hai.

Hame to hai din raat bas unkaa hi khyaal, Par man hi man uthte hain sawaal.

Wo labon se kuchh kah na paaye, Par aankhon ke jariye unhone pyaar kaa eejhaar kar diyaa.

Hamne bhi Khaamosh rahkar, Kar liya unke pyaar par aitbaar.

Aankhon hi aankhon mein baatein hone lagi, Aur dilon ki betaabi badhane lagi.

Ye khaamoshee kahin hamaaree jaan na le le, Is se pahle ki ham unke dil ke armaano ko chhoolein.

Is khaamoshee mein armaano ka anant prawaah hai, Is khaamoshee mein basee ek aawaj hai.

Is khaamoshee mein basee hai rishton ki taajagee, Is khaamoshee mein basee hai pyaar ki saadgee.

Kijiye hamse apne dil ki baat, Par yoon khaamosh mat rahiye.

Unhone maadak najron se hamaaree taraph dekha, Unhe dekhkar hamaaree aankhein jhook gayee.

Rom rom mein hamaare hayaa bas gayee, Lab khaamosh rahe par najrein saham gayee.

Chaahte hain ham dil se yahi ki, Aap jeevan bhar hamein apnee pyaree najron se dekhte rahein.

Kyonki in pyaaree najron mein, Base hain hamaaree jindagee ke yaadgaar lamhe.

July 13, 2008

Bheegee Barsaat | Nature Poems

Filed under: Nature Poems — Tags: , , , — meerac @ 6:23 am

jab saawanrimjhim barstaa hai,
tab mera rom rom khil uthtaa hai.
saamne hote ho jab tum mere,
mera man tumhaare deedaar ke liye tarstaa hai.
aankhon aankhon mein hoti hain baatein,
dil ikraar karne se dhadktaa hai.
pyaar se sirf dil hee nahee,
pooraa yaovan kaa shringaar mahktaa hai.
sochtee hoon kahoon tumse kyaa,
par aa jaatee hai aankhon mein hayaa.
kaheen kho naa doon main tumhe,
isliye inkaar karne se bhee dar lagtaa hai.
jaise machhlee tadptee hai jal binaa,
waise hee dil mera tumhaare binaa tadptaa hai.
hai yahee khwahish ki poore hon phere tumhaare saath,
kaaboo nahee hain mere dil ke jasbaat.
tumse milne ke baad meree jindagee mein aa gayee hai khushiyon kee bahaar,
kyonki chhaa gayee hai mere dil mein chaahat kee jhankaar.
is bheegee barsaat kee raat mein,
aao ek duje mein ham kho jaayen.
jud jaayen ek duje se ham rooh se rooh tak,
taaki phir kabhee bhee judaa na ho paayen.

The Banana Smoothie Theme. Create a free website or blog at WordPress.com.

Follow

Get every new post delivered to your Inbox.